ბმულები

DataLife Engine ClubDataLife Engine ClubDataLife Engine ClubDataLife Engine ClubDataLife Engine ClubDataLife Engine Club

ვიდეო

ბმულები

DataLife Engine Club DataLife Engine ClubDataLife Engine Club DataLife Engine Club DataLife Engine Club DataLife Engine Club DataLife Engine ClubDataLife Engine ClubDataLife Engine Club DataLife Engine Club DataLife Engine Club

ბლოგები

DataLife Engine Club DataLife Engine Club DataLife Engine Club DataLife Engine Club DataLife Engine Club DataLife Engine Club

კონფერენცია

აღწერა:

2015 წლის 25-26 ივნისს ბორჯომში გაიმართა კონფერენცია ,, ჯანსაღი ცხოვრების წესის დანერგვის ხელშეწყობა ინოვაციური მიდგომების მეშვეობით''. პროექტს ახორციელებს ინოვაციური განათლების ფონდი საქართველოს 6 სკოლაში. პროექტი დაფინანსებულია საქართველოში ამერიკის საელჩოს მიერ.კონფერენციის მონაწილეებს მიესალმა ინოვაციური განათლების ფონდის დირექტორი მერაბ ლაბაძე და პროექტის ექსპერტი და ტრენერი მარინა ჭელიძე.კონფერენციაში მონაწილეობა მიიღო სსიპ ქალაქ ქუთაისის მე-17 საჯარო სკოლის მოსწავლეებმა - კლუბის წევრებმა: სანდრო ტყავაძემ,საბა ხარაბაძემ, გიორგი ლაბაძემ ანა თუთბერიძე. კლუბს ხელმძღვანელობს ფიზიკის მაწავლებელი თეა ქუთათელაძე.საერო სკოლა ბინულის,ტყემლანის, ოსიაურის, ნაფარეულის, ბათუმის პირველი, ქუთაისის მე-17 საჯარო სკოლის მოსწავლეებმა წარმოადგინეს მათ მიერ განხორციეებული კვლევითი სამეცნიერო პროექტების პრეზენტაციები და მოახდინეს ექსპერიმენტების დემონსტრირება. მოხდა ინტერაქტივი,, ჯანსაღი ცხოვრება ჯანსაღი გარემოსათვის'' კონფერენციის დასასრულს პედაგოგებსა და მოსწავლეებს გადაეცათ სერთიფიკატები, ხოლო აღნიშნული სკოლები, პროექტში წარმატებული მონაწილეობისათვის დასაჩუქრდნენ USB მიკროსკოპებით


27-06-2015, 01:13
25 ნახვა
ავტორი: g.sakandelidze
კომენტარები: 0

ოლიმპიური ჩირაღდანი

აღწერა:

2015 წლის 23 ივნისს ქუთაისში შემოვიდა ოლიმპიური ჩირაღდანი სსიპ ქალაქ ქუთაისის N17 საჯარო სკოლის მოსწავლეთა მოდელირების კლუბი ,, დოდეკაედრი'' ,იმერეთის ოლიმპიური კომიტეტის თავმჯდომარის ბატონ რევაზ რობაქიძის ინიციატივით მონაწილეობდა, ქუთაისში ოლიმპიური ცეცხლის ჩამოტანის ღონისძებაში. ,მოსწავლეებმა ანი აფხაიძემ, მარიამ ტყეშელიაძემ, ნინი კოპალეიშვილმა, მარიამ ლალიაშვილმათავიანთი ხელნაკეთი ნივთების გაყიდვით აღებული თანხა გადარიცხეს სტიქიის შედეგად დაზარალებულთა დასახმარებლად. მათ მიერ დამზადებული იქნა ოლიმპიური თილისმა ხოხობი რომელმაც დიდი მოწონება დაიმსახურა

 


27-06-2015, 01:08
23 ნახვა
ავტორი: g.sakandelidze
კომენტარები: 0

მულტი-სექტორული შეხვედრა სემინარი

აღწერა:

2015 წლის 22-23 ივნისს სსიპ ქალაქ ქუთაისის N17 საჯარო სკოლის დირექტორი ირინე ჯგერენაია იმყოფებოდა სასტუმრო Vere Palace-ში სადაც გაიმართა GE CALLS-ისა და GEPLAY-ს პარტნიორთა მულტი-სექტორული შეხვედრა სემინარი. შეხვედრა გახსნა და პროგრამის შესახებ ისაუბრა GE PLAY-ს ხელმძღვანელმა ნანა იოსელიანი- მაისნერმა, სემინარის მონაწილეებს მიესალმა განათლებისა და მეცნიერების მინისტრის მოადგილე ქალბატონი ლია გიგაური, GE CALLS-ის ხელმძღვანელი თინათინ ებანოიძე. შეხვედრაზე ალბანისპოლიციის საქმიანობაზე, მუშაობის პრევენციის მიზნით სათემო ჩართულობის დეპარტამენტის დაარსების ისტორიაზე, და სათემო ჩართულობის დეპარტამენტის თანამშრომლობაზე პოლიციის ათლეტურ ლიგასთან (PAL) კერძო და საჯარო სკოლებთან, სამოქალაქო საზოგადოებასთან და ეკლესიასთან ურთიერთობაზე პრეზენტაციები და მოხსენებები გააკეთეს მაიქლ- ბაზილმა, კევინ გრეალისმა, ლეონარდ რიშიუტმა, კლასგარეშე აქტივობების კოორდინატორმა ამანდა ,,ემი'' მოლინამ. პრეზენტაციების შემდეგ გაიმართა კითხვა პასუხი.


27-06-2015, 00:36
20 ნახვა
ავტორი: g.sakandelidze
კომენტარები: 0

"ჰიპო მარკეტი - ქუთაისი "

აღწერა:

21 ივნისს ქუთაისში, თბილისში სტიქიით დაზარა ლებულთა დასახმარებლად მონპლაზირის თაღთან "ჰიპო მარკეტი - ქუთაისი " მოეწყო, რომელიც თანამოაზრეთა გუნდის მიერ იქნა ორგანიზებული. ნებისმიერ მსურველს შესაძლებლობა მიეცა გასაყიდად გამოეტანა: ხელთნაკეთი ნივთები, ნახატები, face- არტი, მინანქარი, ქვილინგის ტექნიკით შესრულებული ბარათები, თიხის ნაწარმი, ფოტოები, საკვები პროდუქტი , სსიპ ქალქა ქუთაისის N-17 სკოლის მე-7კლასის მოსწავლეებმა პედაგოგ ლეილა ბარბაქაძის ხელმძღვანელობით წარმოადგინეს მათ მიერ დამზადებული ქაღალდის ფიგურები- ორიგამები. გაყიდვის შედეგად სულ შემოსული იქნა 1550, 30 ლარი, რომელიც მთლიანად გადაირიცხება თბილისში სტიქიის შედეგად დაზარალებულთა დახმარების და ზოოპარკის დახმარების საქველმოქმედო ფონდში. თანამოაზრეთა საინიციატივო ჯგუფის სახელით გვინდა უღრმესი მადლობა გადავუხადოთ ყველა მონაწილეს და მყიდველს 


27-06-2015, 00:33
19 ნახვა
ავტორი: g.sakandelidze
კომენტარები: 0

"მე და ვაჟა ფშაველას სამყარო"

აღწერა:

2015 წლის 29 მაისს V1კლასში ჩატარდა  პრეზენტაცია თემაზე "მე და ვაჟა ფშაველას სამყარო". მოსწავლეებმა წარმოადგინეს პროექტები, გააკეთეს პრეზენტაციები, უპასუხეს აუდიტორიის მიერ დასმულ შეკითხვებს. ქართული ენისა და ლიტერატურის მასწავლებელი მაყვალა ანანოვი.


4-06-2015, 15:25
59 ნახვა
ავტორი: g.sakandelidze
კომენტარები: 0

"ქართული ადათები და წესები"

აღწერა:

2015 წლის 3 ივნისს სსიპ ქალაქ ქუთაისის N17 საჯარო სკოლის 53 კლასში (დამრიგებელი მაყვალა ანანოვი) ჩატარდა შემაჯამებელი გაკვეთილი საგანში "ჩვენი საქართველო" (მასწავლებელი მანანა ტყეშელაშვილი). მოსწავლეებმა პროექტების წარმოდგენით შეაჯამეს მე-2 სემესტრში გავლილი მასალა "ქართული ადათები და წესები". ღონისძიებას ესწრებოდნენ მასწავლებლები: ხათუნა ჩხეტიანი, მაყვალა ანანოვი, მაკა გიორგაძე და მოსწავლეთა მშობლები. ამ გაკვეთილით მასწავლებელმა ერთგვარი ანგარიში ჩააბარა გაწეული მუშაობის შესახებ.


3-06-2015, 15:33
36 ნახვა
ავტორი: g.sakandelidze
კომენტარები: 0

ლაშქრობა

აღწერა:

2015 წლის 30 მაისს სსიპ ქალაქ ქუთაისის N17 საჯარო სკოლის სამოქალაქო განათლების კლუბისა და ცაგერის რაიონის სოფელ ზუბის საჯარო სკოლის სამოქალაქო განათლების კლუბის ერთობლივი ინიციატივით მოეწყო ლაშქრობა ხვამლის მთაზე. ლაშქრობა მიზნად ისახავდა ახლად დამეგობრებულ სკოლებს შორის ურთიერთობის გაღრმავებას, ასევე ატარებდა შემეცნებით ხასიათს. აღსანიშნავია ის ფაქტი რომ სასკოლო ლაშქრობის ისტორიაში პირველად მოხდა მოსწავლეების მიერ ასეთი სიმაღლის დაპყრობა. ლაშქრობაში მონაწილეობდნენ ზუბის საჯარო სკოლის დირექტორი მურთაზ ლარცულიანი, პედაგოგები ნიკოლოზ ომანაძე, გელა ლიპარტელიანი, სსიპ ქალაქ ქუთაისის N17 საჯარო სკოლის პედაგოგები მანანა ბაკურაძე, თამარ გოგატაძე, ხათუნა ფაიქიძე და ჯონი ბოჭორიშვილი.


3-06-2015, 12:32
63 ნახვა
ავტორი: g.sakandelidze
კომენტარები: 0

"ანიდან ჰაემდე"

აღწერა:

2015 წლის 28 მაისს სსიპ ქალაქ ქუთაისის N17 საჯარო სკოლის IV1 კლასის მოსწავლეებმა (დამრიგებელი მედეია ადეიშვილი) წარმოადგინეს ლიტერატურული კომპოზიცია "ანიდან ჰაემდე". ეს გახლდათ საქართველოს ისტორიის მოკლე ექსკურსი. მოსწავლეებმა ღრმა გრძნობებითა და ემოციებით წარმოაჩინეს ქართული ეროვნული სული, ის ფასეულობები, რამაც გადაარჩინა და დღემდე ღირსეულად მოიყვანა ჩვენი ქვეყანა. სცენაზე "მემატიანეთა" მონოლოგის ფონზე ერთმანეთს ენაცვლებოდა ცხრა ძმა ხერხეულიძის თავდადების, ვეფხვისა და მოყმის, წმინდა ნინოს შემობრძანების, ქართველ ქალთა ისტორიული როლის, ციხე-ტაძართა მშენებლობის, იაკობ გოგებაშვილის მოღვაწეობის, ბაზალეთის ტბის ძირში აღმოჩენილი საქართველოს იმედის ამსახველი სცენები. ბოლოს მოსწავლეებმა გულითადი მადლობა გადაუხადეს ყველას, ფისგანაც დიდ სიყვარულსა და მზრუნველობას გრძნობენ. მათ თავადაც გულწრფელი მადლობა და კეთილი სურვილები მიიღეს დამსწრე საზოგადოებისგან.


2-06-2015, 11:44
42 ნახვა
ავტორი: g.sakandelidze
კომენტარები: 0

"შვილიშვილი-წლების ჯილდო"

აღწერა:

2015 წლის 1 ივნისს, ბავშვთა დაცვის საერთაშორისო  დღეს, სსიპ ქალაქ ქუთაისის N17 საჯარო სკოლის 43 კლასში ჩატარდა პროექტის "შვილიშვილი-წლების ჯილდო" პრეზენტაცია. კლასის დამრიგებელმა თამილა სვანაძემ, აღნიშნა რომ სიმბოლურია დღეს ასეთი ტიპის პრეზენტაციის გამართვა, რათა ბავშვებმა კიდევ ერთხელ გააცნობიერონ იმ კავშირის მნიშვნელობის შესახებ, რაც არსებობს წარსულსა და მომავალს შორის. მოსწავლეებმა ისაუბრეს იმ წვლილის შესახებ, რაც ბებია-ბაბუებს მიუძღვით მათ აღზრდაში. აღწერეს ის მრავალფეროვანი აქტივობები, რაც განახორციელეს ამ პროექტის ფარგლებში, გადმოსცეს ბებია-ბაბუების საქმიანობის, მათი ურთიერთობის შესახებ, გაიხსენეს სახალისო ამბები ასევე მათგან ნასწავლი ადათ-წესები, უამბეს მათ სკოლის მრავალწლოვანი ისტორიის შესახებ, ერთგვარად შეაჯამეს სასკოლო ცხოვრების ოთხი წელი, ბებია-ბაბუებს გააცვნეს იმ მნიშვნელოვანი საქმიანობის შესახებ, რაც ამ ოთხი წლის მანძილზე განახორციელეს. ღონისძიებას მთავარ სათმქმელად გასდევდა: "ჩვენ პატივი უნდა ვცეთ ჩვენს წარსულს, წარვმართოთ აწმყო და შევქმნათ უკეთესი მომავალი. მოწვეული ბებია-ბაბუები სიხარულის ცრემლებით სავსე თვალებით აღფრთოვანებით შესცქეროდნენ საყვარელ შვილიშვილებს, რომლებსაც თბილი სიტყვები არ ენანებოდათ ძვირფასი ბებია-ბაბუებისთვის. ღონისძიებას ესწრებოდნენ: სკოლის დირექტორი ქალბატონი ირინე ჯგერენაია, რომელმაც გააჟღერა იდეა, სკოლაში შეიქმნას ბებია-ბაბუების კლუბი. ასევე, დირექტორის მოადგილე, პედაგოგები, მშობლები.


1-06-2015, 17:17
53 ნახვა
ავტორი: g.sakandelidze
კომენტარები: 0

"დედამიწა ჩვენი სახლია"

აღწერა:

2015 წლის 29 მაისს სსიპ ქალაქ ქუთაისის N17 საჯარო სკოლის 34 კლასის მოსწავლეები (დამრიგებელი ეკა ქართველიშვილი) ესტუმრნენ ქალაქ ქუთაისის ბოტანიკურ ბაღს სადაც განხორციელდა პროექტ "დედამიწა ჩვენი სახლია" პრეზენტაცია. 

    მოსწავლეებმა წარმოადგინეს თავიანთი ნამუშევრები, ისაუბრეს გარემოს დაბინძურებისგან გამოწვეულ საფრთხეებზე, სიმბოლურად დაასუფთავეს დედამიწა და ყველას მოუწოდეს ეზრუნათ საკუთარი და მომავალო თაობებისათვის ჯანსაღი გარემოს შექმნასა და შენარჩუნებაზე. 

       პატარებმა  დაათვალიერეს ბოტანიკური ბაღი, უკეთ შეიგრძნეს ბუნების მშვენიერება და მნიშვნელობა. ეს დღე წარუშლელი იქნება მათ მეხსიერებაში და დასაბამი მათი ბუნების ქომაგობისა.

       ბუნების დაცვაში მიღებული წვლილისათვის მოსწავლეები დაჯილდოვდნენ "ბუნების ქომაგის" წოდებით და გადაეცათ სიმბოლური საჩუქრები.


1-06-2015, 10:18
53 ნახვა
ავტორი: g.sakandelidze
კომენტარები: 0